Лазаров: Рекордите не се случајни, доаѓаат со напорна работа

Македонската ракометна икона Кирил Лазаров стигна до нов рекорд во Лигата на шампионите, откако го одигра својот 250-ти натпревар.

Нант беше подобар од Кјелце во осминафиналето, па така Лазаров повторно ќе игра во четвртфинале на ЛШ.

Македонскиот селектор вели дека рекордите не се случајни и дошле со напорна работа.

„Нант ми помогна да се развијам. Испишавме историја против Кјелце, иако никој не ни даде шанса. Секогаш имам високи цели и ги сакам најголемите предизвици. Рекордите доаѓаат со напорна работа, а сите успеси во мојата кариера се заслужени“, кажа Лазаров.