Куман не го сака Агуеро, бара друг напаѓач

Тренерот на Барселона, Роналд Куман нема желба во тимот да го има Серхио Агуеро за следната сезона.

Агуеро вчера официјално објави дека на крајот на сезоната ќе го напушти Манчестер Сити, а Барселона важи како фаворит за неговиот потпис.

Агуеро е голем пријател на Лео Меси, па новото раководство сака да го донесе на „Камп Ноу“ за да го задржи својот капитен.

Каталонски „Спорт“ пренесува дека Куман претпочита да му биде донесе Мемфис Депај, кој исто така на крајот на сезоната ќе биде слободена агент. Тој смета дека Холанѓанецот ќе биде покорисен во неговиот систем  на игра.

Сепак, раководството преферира ангажман на Агуеро и поради тоа ги прекина преговорите со Депај.