Костески: Заслуживме да го победиме Чиле, задоволен сум од прикажаното

Maкедонија вчера го победи Чиле и се пласираше во втората фаза од Мундијалот во Египет.

Победата против Чиле освен за пласманот во втората фаза секако е важна и самодовербата кај целата репрезентација, а посебно кај помладите ракометари. Посебно во победата против Чиле се истакна младото крило Ненад Костески кој постигна пет гола.

„Пресреќен сум што победивме и се пласиравме во вториот круг, тоа е важно за сите. Во овој натпревар одигравме борбено и машки па заслужено ја остваривме победата. Лично сум задоволен од прикажаното, добив добра минутажа и го дадов мојот максимум“.

Македонија утре од 15:30 часот ќе игра натпревар против Словенија.

„Мора да излеземе храбро и да го оставиме срцето на теренот, резултатот сам ќе дојде. Разликата од првенствата кои ги играв за младите е огромна, многу ми значи ова е големо искуство и ќе ја користам секоја можност која ќе ми се даде“, изјави Костески.