Костакурта: Леао и Дијас се меѓу најдобрите во Европа

Легендата на Милан, Алесандро Костакурта остана импресиониран од победата на „росонерите“ над лидерот Наполи (0:4).

Костакурта, кој сега работи како ТВ аналитичар, посебно е импресиониран од начинот на кој играле „росонерите“ во Неапол.

Притоа, тој посебно ги повали Леао и Брахим Дијс, кои според него се еден од најдобрите тандеми во Европа.

„Импресиониран сум од Милан, не само од високата победа, туку и од начинот на кој играше против Наполи. Леао покажа дека може да биде голем шампион, сега треба да почне да прави разлика и во Лигата на шампиони“.

„Брахим Дијас исто така многу порасна и игра фантастично. Според мене тандемот Леао – Дијас е еден од најдобрите во Европа и Милан мора да направи се за да ги задржи“, изјави Костакурта.