Кармело Ентони пред потпис со новиот клуб!

Како што пренесуваат американските медиуми, Кармело Ентони сепак нема да остане без клуб идната сезона бидејќи за него наводно голем интерес покажал тимот на Бруклин Нетс.

Нетси ова лето останаа без најдобриот играч Д’Aнџело Расел кој го засили тимот на Голден Стејт, но во своите редови ги доведоа Дурант и Ирвинг.

Наводно овој двоец извршил дополнителен притисок на управата на Нетси да го доведат Ентони кој е еден од најдобрите стрелци во историјата на НБА лигата. Мело во минатата сезона одигра само 10 натпревари за Хјустон со просек од 13.4 поени и 5.4 скокови по натпревар после што падна во немилост на тренерот Мајк Д’Eнтони.