Каква чест: Миовски номиниран за најдобар во Шкотска!

Македонскиот напаѓач Бојан Миовски зад себе има неверојатна сезона во Шкотска, а потврда за тоа е неговата номинација помеѓу четворицата фудбалери за играч на сезоната.

Во најтесниот кург кандидати се уште Лоренс Шенкленд од Хартс, Џек Батланд од Ренџерс и Мет Орајли од редовите на Селтик. Миовски зад себе има фантастична сезона во која постигна 24 гола во сите натпреварувања, а со 15 во Премиер лигата на Шкотска е четврти стрелец.

Самата номинација во најтесниот круг во првенство како Шкотска е доказ за одличната сезона која ја игра македонскиот голгетер.

Треба да се знае и дека ако Миовски успее да ја освои оваа награда би станал првиот фудбалер по 11 години кој ја освоил, а не играл во Ренџерс или Селтик. Во изборот учествуваат спортските новинари од Шкотска.