Интер ја одреди цената за ѕвездата, Гвардиола трие раце

Актуелниот англсики првак Манчестер Сити е еден од заинтересираните клубови за Милан Шкринијар, а Интер се надева дека добро ќе заработи од неговата продажба.

Пеп Гвардиола сака за новата сезона да направи квалитетен ремонт во последната линија, а тоа посебно се однесува на стоперската позиција.

Имаше проблеми со повредите, но уште повеќе кардинални грешки во последната линија оваа сезона, па шпанскиот стратег заклучи дека единствена опција е да се инвестира во нови дефанзивци.

Милан Шкринијар од Интер се наметнува како совршено засилување, но Нероаѕурите нема така лесно да се откажат од него и за неговите услуги бара 80 милиони евра.

Се верува дека Манчестер Сити е подготвен да плати толкава сума за поранешниот играч на Сампдорија, кој оваа сезона запиша 32 настапи во дресот на Интер.