Знаете ли кога Барса последен пат загуби на свој терен во ЛШ?

Фудбалерите на Барселона вечерва на свој терен го пречекуваат Ливерпул во рамките на првиот натпревар од полуфиналето во ЛШ.

Каталонскиот клуб со сигурност е најголемиот фаворит за освојување на трофејот, а за многумина натпреварот против Црвените е финале пред финале. Јасно е дека Ливерпул не доаѓа со бело знаме и ќе даде се од себе да извади позитивен резултат на Камп Ноу.

Сепак, Барселона е фантастична во претходните шест години кога во прашање се натпреварите на Камп Ноу. Од 2015. година не ја освоиле ЛШ, но натпреварите на домашен терен биле ноќна мора за сите гостински екипи.

Имено, Барселона веќе шест години не е поразена на свој терен кога се во прашање натпреварите во ЛШ. ВО тој период Барса победила на 28 натпревари и само три натпревари завршиле нерешено. Не примиле на натпревар повеќе од еден погодок, а на 31 натпревар примиле само 15 погодоци.

Последната екипа која славела на Камп Ноу е Баерн Минхен, кој во 2003. година беше убедлив и славеше со 3:0. Баварците се пласираа во финалето, а потоа ја освоија и титулата. Но, во редовите на Ливерпул се надеваат дека вечерва можат да ја прекинат оваа неверојатна серија на Барселона.