Жиру: Како мало дете сум, направив голема глупост

Милан славеше со 2-1 против Специја во неверојатен финиш кога Оливие Жиру постигна гол за нови три бода, но потоа направи глупост и доби црвен картон.

Францускиот напаѓач неколку минути пред голот доби жолт картон, а очигледно заборавил на тоа, па реши погодокот за победа да го прослави така што го соблече дресот и доби втор жолт картон.

„Росонерите“ така останаа со фудбалер помалку до крајот на мечот, меѓутоа Специја не успеа да дојде до израмнување.

„Тешко е да се најдат правилни зборови. Лут сум на себе, пред да го направам тоа, постигнав гол и поради адреналин решив да прославам, сè уште сум како мало дете“, вели Жиру.

C’est Haaland qui marque ce but, ça fait le tour du monde. Encore une fois Giroud sauve l’AC Milan. Quel mental pic.twitter.com/EpZY5MnFsz

— Logan_grlsh (@logan_grlsh) November 5, 2022