Жестока казна од ФИФА за Специја!

Светската фудбалска федерација (ФИФА) денес ја казни Специја со две години забрана за трансфери.

Специја е казната поради кршењето на правилата при доведувањето на млади фудбалери од Африка. ФИФА соопшти дека Специја со ангажирањето на неколку тинејџери прекршила одредени одредби.

Така овој италијански клуб ќе има забрана до летото 2023 година, а клубот ќе мора да плати и казна од пола милион швајцарски франци.

Клубот има право на жалба, а ако бара замрзнување на случајот до сослушувањето ќе може до крајот на август да ангажира нови играчи. Специја минатата сезона заврши на 15. место на табелата во Серија А.