И покрај вирусот во таборот на Вардар кој го „осакати“ тимот пред натпреварот со Еурофарм Пелистер дербито веројатно ќе се одигра.
Вардар вчера побара, но Еурофарм Пелистер денес одговори дека не прифаќа одложување на натпреварот.
Пред дербито, падна најважниот потпис во Манчестер Сити! ↓↓↓
Одговорот на битолскиот клуб ви го пренесуваме во целост:
Со особена загриженост ја примивме веста за вироза во таборот на нашиот следен противник во групата Б на Суперлигата, Вардар 1961 од Скопје. Изразуваме желби и надеж за што поскоро оздравување и вистинска спортска борба на најдобрите тимови на Еурофарм Пелистер и Вардар 1861 в недела попладне во спортската сала „Боро Чурлевски“ во Битола.
Според членот 13, став 5 од пропозициите за натпревари во Суперлигата, постојат услови за одигрување на натпреварот Еурофарм Пелистер – Вардар 1961 и ние, како и секогаш, максимално ќе се придржуваме кон пропозициите.
Веруваме дека противникот ќе се екипира во потребниот рок, ќе пристигне во Битола и ќе го пречекаме и угостиме како и секогаш – коректно, спортски и во духот на фер-плејот.
Спортски поздрав
РК Еурофарм Пелистер
Учество во игри на среќа е дозволено за лица со 18+ години. Играј одговорно!