Емре се потсети на ударот кој го доби од Зокора: Не знаев дали ќе можам да имам деца

Дидие Зокора пред неколку години реши да ја заврши кариерата, а многумина ќе го паметат по неверојатна ситуација која се случи додека играше за Трабзонспор.

Зокора во Трабзонспор стигна во 2011 година од Севиља за пет милиони евра и во турскиот тим остана три години, а во април 2012 година против Фенербахче имаше вербален дуел со Емре, кој го навреди на расна основа.

„Емре и јас имавме караница за време на мечот, а тој ми кажа дека сум е*ан црнец. Тоа е првпат во кариерата некој да ми каже такво нешто“, вели Зокора.

Зокора потоа го удри Емре директно меѓу нозе.

„Ме удри директно во тестисите. Му благодарам на Бог што имам деца зашто по ова не знаев дали ќе биде можно“, објаснува Емре.