Ди Марија: Се мачиме во Лигата на шампионите

Фудбалерот на Пари Сен Жермен, Анхел Ди Марија не е задоволен од тоа како неговиот тим игра во Лигата на шампионите и смета дека се мачат.

Ди Марија тврди дека на „светците“ не им лесно во група со Ливерпул, Наполи и Црвена Звезда.

„Се мачиме во Лигата на шампионите, но не сме единствени. Ждребот не смести во група со два големи тима како што се Ливерпул и Наполи. Овие два клуба играат одлично на домашен терен“, истакна Ди Марија.

Сепак, верува дека ПСЖ ќе ја помине групната фаза.

„И понатаму имаме три важни натпревари кои ќе одлучат. Имаме добар тим, одличен тренер и доколку играме 100% и како тим, ќе се пласираме во осминафиналето“, процени Аргентинецот.