Дали Перез уште мисли дека групната фаза во ЛШ не е интересна?

Претседателот на Реал Мадрид, Флорентино Перез познат е по своите изјави и сега една му се „одби од глава“, а не му е прва.

Потценуваше Перез многу тренери, играчи, клубови…На сите им е позната аферата со аудио снимките која шпанските медиуми ја открија во текот на летото. Во тие снимки Перез лошо зборуваше за играчи на Реал Мадрид.

И денес Перез има желба за поголема моќ, веројатно и затоа најмногу се залагаше за формирање на Суперлигата од која не се откажува. Како еден од аргументите кои ги истакнуваше Перез кога се пишуваше за Суперлигата даде и изјава која е добро позната. Првиот човек на Реал тврдеше дека натпреварите во групната фаза не се интересни.

„Ликата на шампионите е атрактивна само од четвртифиналето. Никој не ги гледа натпреварите од групната фаза“.

Меѓутоа изгледа не е така кога сега поразот на неговиот Реал од молдавскиот Шериф одекна силно во фудбалска Европа.