Голеада и реми на Шкендија против дански Рандерс во Анталија

Екипата на Шкендија денес одигра реми 3:3 во натпревар со дански Рандерс.

Стрелци на головите за Шкендија беа Агим Ибраими (два) и Арменд Алими. Шкендија на 18 минути пред крајот имаше два гола негатива и изгледаше дека тетовци ќе доживеат пораз. Сепак, набрзина со два гола во шест минути стигнаа до изедначување.

До водство Рандерс стигна во шестата минута, Ибраими изедначи од пенал. Ново водство за данскиот тим донесе Камара после половина час игра. За 1:3 се погрижи Кехинде кој постигна убав гол од 16 метри.

Реми на Шкендија и донесоа Алими со гол во 72. минута и Ибраими со вториот на десетина минути пред крајот.