Манчестер Сити синоќа помина уште една препрека на патот до титулата во ПЛ. На Етихад со резултат 3:1 совладан беше Ватфорд, што за Гвардиола беше 20. победа во оваа сезона.
Освен што после натпреварот беше среќен поради триумфот , Пеп Гвардиола ја искористи приликата да го скрене вниманието до надлежните за ненормално згуснатиот распоред во Англија во текот на новогодишните и божиќните празници.
„На овој начин ќе ги убиеме играчите. Федерацијата не мисли за фудбалерите, иако би морала. Играат по 11 месеци прес престанок и мора да бидат некако заштитени. Но знам дека ништо нема да се промени.“ – изјави Гвардиола и додаде:
„Знам дека таков распоред мора да постои овде, но луѓе, тоа не е нормално. Луѓето кои тоа го одлучуваат мора тоа да го сфатат.“
Манчестер Сити веќе на 6. јануари игра против Барнли во ФА Купот, три дена покасно против Бристол во Лига Купот, а за 14. јануари е закажан лигашкиот натпревар против Ливерпул.
Учество во игри на среќа е дозволено за лица со 18+ години. Играј одговорно!