Гвардиола е тренер на векот, но знаат ли во Дубаи каде му беа најголемите успеси?

Во Дубаи во неделата беше одржана церемонијата на „Globe Soccer“ на која помеѓу останатото е избран и тренер на векот.

Титулата за најдобар играч на векот му припадна на Кристиано Роналдо, додека Пеп Гвардиола беше прогласен за тренер на векот. Шпанскиот стратег немаше време да допатува од Манчестер во Дибаи поради обврските во Сити.

Она што предизвика големо внимание е видеото на кое се прикажани најдобрите моменти од тренерската кариера на Гвардиола.

Имено, на видеото не беше прикажан ниту еден момент од неговиот период во Барселона каде што ги забележуваше најдобрите резултати.

Ова само ги подгреа шпекулациите дека организаторите на она што се случуваше во Дубаи се приврзани на Кристиано Роналдо и игнорираат се што е во врска со Барселона и Меси.