Газдата на ПСЖ се огласи за иднината на Мбапе!

Килијан Мбапе веќе неколку дена е во центарот на вниманието и потворно поради неговиот потенцијален трансфер во Реал Мадрид.

Во медиумите се појави информација дека трансферот е скоро завршен и дека Мбапе донел одлука на лето како слободен фудбалер да премине во Мадрид.

Сепак, последната изјава на Ал Келаифи сигурно дека до некаде ја намалува еуфоријата во Мадрид. Според краткиот одговор на првиот човек на ПСЖ, засега со Мбапе не се случило ништо и фудбалерот не донел никаква одлука.

„Нема никаква одлука за Мбапе, кога ќе има ќе ја соопштиме. Со него не се случи ништо ново, баш ништо“, изјави Келаифи.

Најголемите медиуми во Шпанија и Франција веќе пишуваа и за условите на напаѓачот. Се пишуваше дека Мбапе во Мадрид ќе добива плата од 50 милиони евра плус бонуси.