Холанѓанецот Макс Ферстапен победи на денешната трка на Силверстоун.
Зошто проблемот со улични кучиња СÈ УШТЕ постои? | Уште еден поткаст
Младиот возач на Ред Бул извозе феноменална трка и успеа да го победи моќниот Мерцедес. Иако вчера заврши дури четврти во квалификациите денес возеше одлично. Успеа брзо да дојде до втората позиција зад Ботас, а подоцна и го престигна.
Во текот на целата трка актуелниот шампион Луис Хамилтон се мачеше и на препознатливото ниво се врати во последните кругови меѓутоа дојде само до втората позиција.
Одлучувачки момент на трката веројатно беше кога Ферстапен излезе од боксот зад Ботас, но после неколку кривини го помина и до крајот ја задржа лидерската позиција.
Во Ферари еден беше солиден, а другиот целосно потфрли. Чарлс Леклер заврши четврти, додека Себастијан Фетел беше 13-ти.
На вкупниот поредок на возачите Ферстапен се искачи на втората позиција зад Хамилтон додека Ботас падна на третата позиција.
Наредната трка во Формула 1 се вози на 16. август во Шпанија.
Учество во игри на среќа е дозволено за лица со 18+ години. Играј одговорно!