Верати го критикуваше судењето, па сега го чека казна

Фудбалерот на ПСЖ, Марко Верати се соочува со жестока суспензија.

Откако ПСЖ изгуби од Нант италијанскиот играч за врска го критикуваше судењето и сега го чека казна од три до четири натпревари суспензија.

„Како е можно ние да добиеме десет жолти картони (ги имаше шест), а да не зборуваме за судијата (Лесеге)? Во некои ситуации не можеш да направиш ништо“, изјави меѓу другото Верати по тој пораз од 3:1.

Според правилата во Франција поради оваа реченица Верати може да добие суспензија од неколку натпревари. Лига 1 не можеше веднаш да отвори истрага, па комплетниот случај го презема Националното етичко собрание кое за казната на Верати би требало да одлучи во текот на денешниот ден.