Вардар новата година ја започнува против Нексе

Ракометарите на Вардар по пузата поради Светското првенство им се враќаат на клупските обврски, а прв противник во 2017 година ќе им биде Нексе во регионалната СЕХА лига.

„Нексе има нов тренер, тоа е екипа која игра добар ракомет, но нас не интересира само победата. Добро трниравме, време за анализи немавме многу, но верувам дека 2017 ќе ја започнеме со победа“, рече на прес конференцијата Раул Гонзалес.

„Долго време не бевме заедно, оваа е прв натпревар по паузата. Мислам дека тоа нема да преставува проблем и да ги смени работите. Играме против Нексе, одличен тим, кој знаел да ни направи проблеми. Домаќини сме и сакаме со победа да ја започнеме оваа полусезона“, изјави капитенот на Вардар, Стојанче Стоилов.