Во Битола денес е претставено големо засилување – Еурофарм Пелистер потпиша со ракометарот на Алборг Себастијан Хенеберг.
Од клубот истакнаа големо задоволство што имаат прилика да доведат такво засилување.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
„Особено задоволство ни претставува што денес можеме да го претставиме првиот дански ракометар кој ќе го носи дресот на Еурофарм Пелистер.
Нов член на нашиот клуб е Себастијан Хенеберг, кој потпиша договор до крајот на сезоната и веќе го започна тренажниот процес со новата екипа. 28-годишниот Хенеберг доаѓа во Битола од данскиот првак Алборг и игра на позициите лев и среден бек. Висок е 197 сантиметри, тежок 101 килограм и неколку години по ред настапува во Лигата на шампионите“, соопштија „пелистерци“.
Хенеберг блесна во Силкеборг и Архус и во сезоната 2019/20 потпиша за норвешкиот првак Елверум. По една сезона во овој клуб и сите освоени трофеи, потпиша за Алборг, од каде што доаѓа во Битола.
Неговото деби се очекува следната недела на натпреварот против Пролет од седмото коло на групата Б на Суперлигата.
Учество во игри на среќа е дозволено за лица со 18+ години. Играј одговорно!