Бившиот претседател на Јувентус: Играчите само чекаат Алегри да добие отказ

Бившиот претседател на Јувентус, Коболи Џили ја коментираше ситуацијата во клубот.

„Бјанконерите“ имаат многу лош старт на сезоната, во Серија А заостануваат 10 бода од лидерот, а во ЛШ се пред елиминација во групната фаза.

Се посилни се шпекулациите дека Алгери ќе добие отказ, а според Џили играчите тоа го чекаат.

„Мојот впечаток е дека играчите очекуваат Алегри секој момент да добие отказ. Поради тоа се дезориентирани и недостасува сплотеност. Во Јувентус има сериозна фигура како потпреседател во името на Недвед, кој сам кажа дека играта не одговара на можностите на тимот. Меѓутоа, тоа треба да го каже тренерот, а ми се чини дека тој е конфузен“, изјави Џили.