Бербатов за Погба: Навивачите го критикуваат цело време, без да знаат дали е крив или не

Се уште не е познато дали Пол Погба ќе остане во Манчестер Јунајтед.

За иднината на Погба се шпекулира веќе подолго време, иако Солскјер неодамна изјави дека навивачите не треба да се грижат и дека Погба ќе остане.

Поранешниот напаѓач на Манчестер Јунајтед Димитар Берабтов смета дека бројните критики од јавноста влијаат на психата на Французинот.

„Тие критики се неоправдани. Цело време го напаѓаат без разлика дали е крив или не. Тој прави се за да се вклопи и нема потреба некој да се сомнева во неговата етика и желба да биде тука“, изјави Бербатов.

Според него Погба ќе остане, но свесен е дека има клубови кои со задоволство би го довеле.

„Се надевам дека ќе се вклопи и ќе нема проблеми со повредите. Дури тогаш може да го прикаже најдобриот фудбал. Секако дека постојат тимови кои сакаат да го доведат. Тука Реал Јувентус, ПСЖ…“, додаде Бербатов.