Бензема: Мбапе еден ден ќе игра во Реал Мадрид

Реал Мадрид до последниот ден од преодниот рок се обидуваше да го донесе Килијан Мбапе, но не можеше да постигне договор со ПСЖ.

Мбапе е цврст во намерата да се пресели во Реал Мадрид и ги одбива сите понуди на ПСЖ за продоложување на соработката.

Неговиот соиграч од репрезентацијата и ѕвезда на Реал Мадрид, Карим Бензема нема дилеми дека Французинот наскоро ќе игра на „Сантиаго Бернабеу“.

„Добро се сложуваме со Килијан, и на теренот и надвор од него. Секако дека би сакал да биде покрај мене во Мадрид еден ден, но мора да го почитуваме клубот. Во секој случај, сигурен сум дека ќе игра за Реал Мадрид еден ден. Ова го повторувам затоа што Реал е најдобар во светот“, изјави Бензема.