Голманот на Баерн, Мануел Ноер денеска се врати на тренинзите, пред да отпатува со тимот во Лондон, на првиот четврт-финален натпревар од Лигата на шампионите против Арсенал.
Во март, Ноер го скина левиот бутен мускул за време на тренингот на германската репрезентација и ги пропушти пријателските натпревари против Франција и Холандија, како и двата порази на Баерн од Борусија Дортмунд и Хајденхајм во Бундеслигата.
Диск голф го освојува светот, а го нема во Македонија!? ↓↓↓
Тој денеска учествуваше на последниот тренинг на Баерн во Минхен и прогнозите се добри за негов настап во Лондон, иако се очекуваше дека нема да може да помогне. Се чини дека Ноер и лекарскиот тим на Баерн сепак ја добија трката со времето.
Со враќањето на Сане, Кингсли Коман, Александар Павловиќ и Нусаир Мазрауи, тренерот на Баерн Томас Тухел го има на располагање речиси целиот состав за дуелот против Арсенал.
По двата последователни порази во Бундеслигата, Баерн заостанува 16 бода зад лидерот Баер Леверкузен, па јасно е дека ќе ја загуби домашната титула по 11 сезони доминација. За Баерн токму Лигата на шампионите е единствен начин за спас на сезоната.
Првиот натпревар од осминафиналето на Лигата на шампионите помеѓу Арсенал и Баерн е закажан за утре од 21 часот.
Учество во игри на среќа е дозволено за лица со 18+ години. Играј одговорно!