„АС“ информира: Следува жестока санкција за Марсело

Бразилскиот лев бек, Марсело, заработи директен црвен картон во дуелот помеѓу Реал Мадрид и Леванте.

Реал одигра 1:1 против аутсајдерот Леванте,а Марсело во финишот на средбата во рамки на третото коло од Ла Лига, удри по грб еден од противничките играчи.

Противникот го задржуваше времето, на Марсело тоа не му се допадна, па постапи онака како многу пати досега, по што заработи директен црвен картон и му претстои жестока санкција од шпанскиот фудбалски сојуз.

„АС“ пишува дека за ваквите стартови се казнува два натпревари неиграње, но дека во случајот на Марсело е потешко, бидејќи Бразилецот покажал одлична намера да го удри противникот со висок степен на агресија.

Тоа значи дека Марсело би можел да биде санкциониран и со 4 натпревари неиграње, а слична суспензија неодамна заработи и Кристијано Роналдо.