Арсенал во Лигата на Европа без седуммина?

„Топџиите“ баш и не сакаат премногу да се „испотат“ во „втората“ европска лига.

Две децении Арсенал беше редовен учесник во Лигата на Шампионите. Арсен Венгер не е навикнат на Лигата на Европа и веројатно тоа за нив оваа сезона ќе биде само шанса за фудбалерите кои не добиваат шанса во Премиер лигата, да покажат што знаат.

Англиските медиуми пренесуваат дека во тимот на Арсенал утре нема да бидат: Петар Чех, Лоран Кошчелни, Александар Лаказет, Дани Велбек, Гранит Џака, Арон Рамзи и Месут Озил.

Ниту еден од овие фудбалери нема здравствени проблеми, но исто така и ниту еден од нив не присуствуваше на последниот тренинг, што беше пртолкувано како план Венгер да ги одмори најдобрите играчи за натпреварот против Челзи кој се игра во недела.