Алексис Санчез призна дека прикривал данок!

Ѕвездата на Арсенал, Алексис Санчез ги призна обвиненијата за затајување данок и може да очекува сериозна казна од шпанските власти.

Чилеанскиот репрезентативец затаил околу 1 милион евра кои требало да и припаднат на шпанската држава, а тоа го направил преку компанија на Малта за која подоцна било откриено дека е во негова сопственост.

Санчез веќе ги исплатил парите кои ги должел од 2012 и 2013 година, но сега ќе мора да се надева дека ќе избегне судски процес. Ако не успее да направи спогодба, може да добие сериозна глоба и условна казна каква што доби Лионел Меси.