Алегри за дербито против Интер: Можевме и подобро

Јувентус вчера во последните моменти од натпреварот против Интер избегна пораз со голот на Дибала од пенал.

Интер имаше предност се до 86. минута кога по реакција на ВАР беше досудена најстрога казна за „старата дама“. Тренерот на Јувентус, Масимилијано Алегри не е целосно задоволен од резултатот во вчерашниот натпревар.

„Првото полувреме беше добро, второто уште подобро. Создадовме неколку прилики и можевме и подобро. Не треба да заборавиме дека Интер е силен тим, како технички така и физички. Тимот се уште е во фаза на раст, во првите три кола загубивме осум од можните девет бода и моравме да почнеме одново од основите со добра организација“, изјави Алегри.