АБА-лигата го казни кошаркарскиот клуб „Карпош Соколи“ „поради неодговорните“ изјави на претседателот на клубот, Огнен Дедиќ, објави лигата на интернет-страницата aba-liga.com.
„Сите знаат дека постои банда што ја води лигата, ја сочинуваат ФМП, „Црвена звезда“, „Будуќност“, „Олимпија“ и „Цедевита“. Дали е нормално на функцијата претседател на АБА-лигата да биде човек што води два клуба во истото тоа натпреварување и која на своите играчи не им исплатил осум плати?“, рекол Дедиќ.
Воздухот што нè убива: Зошто Скопје е меѓу најзагадените градови?
Поради изјавите на претседателот Дедиќ, АБА-лигата го казни клубот „Карпош Соколи“ парично со сума од 12.000 евра. Лигата смета дека изјавите му наштетиле на угледот на лигата, а воедно на претседателството ќе му предложи на „Карпош Соколи“ да му биде изречена повеќегодишна суспензија од натпреварувањата што ги организара АБА.
„Карпош Соколи“ доби повик да учествува во втората АБА-лига, која би требало да почне да функционира од оваа есен, а тоа го налути Дедиќ, чиј клуб минатата сезона успеа да избори опстанок во својата деби-сезона во регионалната лига.
По завршувањето на сезоната, АБА го намали бројот на учесници од 14 на 12 поради што Македонија остана без еден претставник, во случајов „Карпош Соколи“.
Учество во игри на среќа е дозволено за лица со 18+ години. Играј одговорно!