Заврши летниот трансфер период во најсилните европски лиги. Еве ги 10-те најголеми трансфери

Летниот трансфер период во најсилните европски фудбалски лиги заврши во понеделникот вечерта. Ова лето вкупно 25 трансфери беа извршени со сума од 50 милиони евра или повеќе, а највредниот меѓу нив беше трансферот на Александар Исак, кој за 144 милиони евра го напушти Њукасл и се приклучи на Ливерпул.

Ова лето, Ливерпул ги направи трите најголеми трансакции. Покрај рекордниот Исак, актуелните шампиони на Англија платија 125 милиони евра на Баер Леверкузен за трансферот на Флоријан Вирц, а 95 милиони евра на Ајнтрахт за да го обезбедат Хуго Екитике.

Петте најголеми трансфери ги заокружуваат Ник Волтемаде и неговиот трансфер од Штутгарт во Њукасл за 85 милиони евра, како и трансферот на Бенџамин Шешко од Лајпциг во Манчестер Јунајтед за 76.5 милиони евра.

Листа на 10-те најскапи трансфери ова лето

1. Александар Исак (Њукасл – Ливерпул), 144 милиони евра
2. Флоријан Вирц (Баер Леверкузен – Ливерпул), 125 милиони евра
3. Хуго Екитике (Ајнтрахт – Ливерпул), 95 милиони евра
4. Ник Волтемаде (Штутгарт – Њукасл), 85 милиони евра
5. Бенџамин Шешко (Лајпциг – Манчестер Јунајтед), 76.5 милиони евра
6. Виктор Осимен (Наполи – Галатасарај), 75 милиони евра
7. Брајан Мбеумо (Брентфорд – Манчестер Јунајтед), 75 милиони евра
8. Матеус Куња (Вулвс – Манчестер Јунајтед), 74.2 милиони евра
9. Мартин Зубименди (Реал Сосиедад – Арсенал), 70 милиони евра
10. Луис Диаз (Ливерпул – Бајерн), 70 милиони евра