Влаховиќ моментално не е за Милан, ним им е потребен напаѓач веднаш!

Дејан Савиќевиќ во интервју за италијанските медиуми ги сподели своите мислења за актуелните теми поврзани со српските фудбалери.

Јавноста во Италија е заинтересирана за можноста Душан Влаховиќ во иднина да се пресели во Милан, бидејќи тимот од „Сан Сиро“ се соочува со проблеми во нападот.

Савиќевиќ смета дека овој трансфер, и покрај шпекулациите, засега не е рационален потег.

Во моментот, според мене, Милан не е вистинскиот избор за Влаховиќ. Тој неодамна доживеа сериозна повреда и опоравувањето ќе трае подолго. Напаѓач му е потребен на Милан веднаш, ако сакаат да се борат за Скудето. Реалистичен сум дека разговорите за ангажирање на Душан можеби ќе бидат поконкретни летово, истакна Дејан Савиќевиќ.