Ракометарите на Вардар забележаа значајна победа против тимот на Охрид во рамките на плејоф фазата, совладувајќи ги со 28-24.
Мечот започна моќно за домаќините – Вардар тргна офанзивно и брзо создаде предност од 5-1. Сепак, охриѓани не се предадоа. Како што течеше првото полувреме, успеаја да ја консолидираат играта, а по водството на Вардар од 10-5, следеше серија од четири последователни гола за Охрид, со што ја намалија разликата на само еден гол. На полувремето резултатот гласеше 13-12 во корист на домаќините.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Во второто полувреме натпреварот продолжи во сличен ритам. Резултатот беше изедначен во неколку наврати, но Охрид не успеа целосно да го преземе водството. При 20-19, Вардар повторно ја активираше својата офанзивна машина, го засили темпото и направи клучна серија со која се одлепи и го реши прашањето околу победникот.
Најефикасни во редовите на Вардар беа Вуко Борозан и Дмитро Хориха, кои постигнаа по седум гола.
Фото: Принтскрин
Учество во игри на среќа е дозволено за лица со 18+ години. Играј одговорно!