Tурски новинар: Борусија Дортмунд и Лидс спремаат големи понуди за Елмас!

Tурскиот новинар Талха, Арсалн пренесува вест дека Лидс и Борусија Дортмунд спремале големи понуди за македонскиот репрезентативец Елиф Елмас.

Арслан само пренесува дека понудите биле големи, но не открива повеќе детали.

„Лидс и Борусија Дортмунд кои се обидуваа да го доведат Елмас и во текот на летото ќе испратат астрономски понуди до Наполи за време на зимскиот преоден рок“, пишува турскиот новинар.

Меѓутоа прашање е какви се тие астрономски понуди и дали ќе ги задоволат апетите на Аурелио Де Лаурентис. Медиумите во Неапол неодамна објавија дека во Неапол не размислуваат за продажба на Елмас.

Во овој момент проценката на вредноста на Елмас според фудбалската опсерваторија „ЦИЕС“ изнесуваше 70 милиони евра.