Претседателот на Наполи Аурелио Де Лаурентис му даде на тренерот Антонио Конте ветување во врска со трансферите, уверувајќи го да размисли уште неколку дена за својата иднина во клубот, пренесуваат италијанските медиуми.
Состанокот меѓу Конте и Де Лаурентис во вторник требаше да означи крај на нивната соработка по само една сезона, но според информациите, средбата завршила без конечна одлука. Конте одлучи да си даде уште неколку дена за размислување за следните чекори.
Goblin Games - Индустријата за Board Games е во огромен подем! ↓↓↓
Според пишувањата на Corriere dello Sport, Наполи се обидува да го задржи својот шампионски тренер барем уште една сезона. Конте има договор до јуни 2027 година. Де Лаурентис се состанал со него откако вчера го посетил Папата и му ветил дека за сезоната 2025/26 ќе состави уште посилен тим.
Кевин Де Брујн е близу потпис за тимот, а Наполи е оптимист и за доведувањето на Џонатан Дејвид од Лил, исто така како слободен играч. Де Лаурентис наводно му ветил на Конте појак тим за следната сезона. Истовремено, сопственикот на Наполи веќе стапил во контакт со Масимилијано Алегри како можен наследник во случај Конте да си замине.
Иднината на Конте може да влијае и на иднината на Игор Тудор на клупата на Јувентус. Познато е дека Конте е голема желба на Старата дама и прв кандидат за клупата следната сезона, но ако Конте го продолжи мандатот во Наполи, можно е Тудор да добие постојана работа во Торино. Тудор го оствари својот примарен план и обезбеди пласман во Лигата на шампионите следната сезона, со што му се продолжи договорот автоматски.
Фото: Принтскрин
Учество во игри на среќа е дозволено за лица со 18+ години. Играј одговорно!