Португалскиот фудбалер Ренато Веига е нов член на Јувентус откако успешно ги помина лекарските прегледи и се приклучи на „Бјанконерите“ од редовите на Челси.
Веига пристигнува во Торино на позајмица до крајот на сезоната, без можност за откуп, и ќе се обиде да ги „закрпи“ дупките во одбраната на „Старата дама“ кои настанаа поради повредите на Желсон Бремер и Хуан Кабал.
Совети од нутриционист: Вистината за исхраната! Што е најдобро за вашето здравје? ↓↓↓
Јувентус ќе плати надомест од 5 милиони евра за позајмицата на 21-годишниот дефанзивец кој игра на позиција стопер и лев бек, но Челси ќе продолжи да ја покрива платата на играчот, што помага во намалување на трошоците на „Бјанконерите“.
Добро утро 👋 pic.twitter.com/jzxEw1qTzZ
— ЈувентусФК (@juventusfc) 27 јануари, 2025
Португалскиот репрезентативец стана третото засилување на Јувентус во јануарскиот трансфер период по скорешните доаѓања на Рандал Коло Муани од ПСЖ и Алберто Коста од Виторија Гимараеш.
Веига оваа сезона одигра 18 натпревари за Челси во сите натпреварувања, а постигна два гола и забележа една асистенција.
Учество во игри на среќа е дозволено за лица со 18+ години. Играј одговорно!