Тренерот на Олимпик Марсеј, Роберто де Зерби, даде свои оценки за синоќешниот натпревар против Реал Мадрид што се одигра на стадионот „Сантијаго Бернабеу“, во кој неговиот тим претрпе пораз од 2:1, при што неколку судиски одлуки го одбележаа натпреварот.
Италијанскиот стратег посебно се осврна на досудениот пенал за Реал Мадрид во завршницата од мечот, што според неговото мислење, беше строго пресудена одлука.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
“Пеналот беше малку срамен и истото би го кажал дури и ако беше досуден во наша корист. Тоа не беше пенал, и не сметам дека беше досуден како компензација за црвениот картон или нешто такво. Не, секако дека не”, изјави Де Зерби по натпреварот.
Марсеј беше со играч повеќе откако Дани Карвахал беше исклучен во второто полувреме, но не успеаа да ја искористат таа предност како што се надеваа.
“Требаше да направиме повеќе по исклучувањето на Карвахал, тоа е вистината. Одиме напред знаејќи дека ваквите натпревари треба да станат наша нормалност, да играме на Бернабеу секоја година. Тоа е она што му е потребно на овој тим за да направи скок напред во менталитетот и амбицијата”, додаде Де Зерби.
Во следното коло, Марсеј ќе го пречека тимот на Ајакс, додека Реал ќе патува за Казахстан каде што ќе се сретне со тимот на Кајрат.
Учество во игри на среќа е дозволено за лица со 18+ години. Играј одговорно!