Tрагедија: Почина еден од најдобрите одбојкари на Иран на само 26 години

Тажни вести пристигнуваат од Иран. Репрезентативецот на иранската одбојка, Сабер Каземи, почина на 26-годишна возраст поради срцев удар.

Во Катар, каде што оваа сезона настапуваше за Ал Рајан, почина еден од најталентираните играчи на својата генерација.

И покрај итната лекарска интервенција, неговата состојба не се подобри. Лекарите објавија дека имал сериозно оштетување на мозокот, што на крај доведе до неговата смрт.

Иранскиот одбојкарски сојуз ја потврди трагичната вест, изразувајќи дека загубата е огромна за одбојката во Иран, но и за целиот спортски свет.

Каземи се истакна во иранскиот тим на Азиските игри во 2018 и 2022 година, а во 2021 година, како најдобар играч, ја предводеше својата репрезентација до титулата шампион на Азија.