Тотенхем во трка по Балогун, се споменува сума од 60 милиони евра

Тотенхем решително започна потрага по Фоларин Балогун, информира L’Equipe.

Англискиот клуб во последните часови ги воспостави основите за преговори со Монако за американскиот репрезентативец, а се шпекулира дека трансферот би можел да изнесува околу 60 милиони евра.

Балогун има 25 години и важечки договор со Монако до 2028 година. Минатата сезона успеа да постигне 19 голови во 45 натпревари во сите натпреварувања. Исто така, за него ова лето покажале интерес и други клубови од Англија и Шпанија.