Готово е: Душан Влаховиќ има нов клуб

Сагата конечно заврши. Српскиот напаѓач Душан Влаховиќ го одбра новиот клуб, а тоа е турскиот гигант Бешикташ.

Бешикташ ова лето одлучи значително да го зајакне тимот. Стигнаа навистина големи имиња, но изгубена е најголемата ѕвезда – Мохамед Салах, кој најпосле заврши во Трабзонспор.

Меѓутоа, врелото лето во Истанбул од денес ќе стане уште потопло. Во градот пристигнува уште една фудбалска ѕвезда – Душан Влаховиќ.

Српскиот напаѓач ги одбра црно-белите како свој нов клуб. По долги и напорни преговори, конечно ја прифати понудата која пристигна од Бешикташ.

Наскоро, 26-годишникот би требало официјално да биде претставен како нов голем играч, а за потписот ќе добие суми кои никаде освен во Саудиска Арабија, не би можел да ги добие.

Влаховиќ прифати тригодишен договор вреден осум милиони евра нето, но тоа не е сè што ќе заработи. Има и бројни бонуси кои неговата плата можат да ја зголемат над 10 милиони евра.