Тешка ноќ, уште потешко утро во Барселона: Фудбалер вреден милијарда евра заминува за 80 милиони евра

Барселона отпадна во полуфиналето на Лигата на шампионите од Интер, кој синоќа во реваншот победи со 4:3 по продолженија. Интересно е дека двата дуела завршија со резултат од 3:3, но дополнителните пола час од вториот меч донесоа славје за „Нераѕурите“ благодарение на голот на Давид Фратези.

Вистински уживаа сите љубители на фудбалот, без разлика за кого навиваат. Секако, најтешко е на навивачите на Барселона, но сепак можат да бидат горди на сè што направи тимот со Ханси Флик, особено ако ја освојат Ла Лига, а се на добар пат.

Во Барселона ноќта беше тешка, но утрото уште потешко, барем од перспектива на навивачите кои секогаш сакаат најдобрите играчи во тимот. Еден од нив сега ќе мора да замине.

Шпанските медиуми уверуваат дека 20-годишната ѕвезда е на излезната врата и дека својата кариера ќе ја продолжи во “Паркот на принцовите”, откако лично Луис Енрике го убедил за трансферот.

Гави, кој влезе на теренот во 106. минута наместо Кубраси синоќа во Милано, неодамна потпиша договор со Барса до 2023 година, со откупна клаузула од дури милијарда евра, но сега има статус што не му одговара. Шпанскиот репрезентативец не е често стартер, а Енрике го познава многу добро од репрезентацијата на Шпанија.

Трансферот изгледа многу веројатен, иако би можела да биде голема грешка да се продаде таков дијамант кој има само 20 години за „само“ 80 милиони евра.

Фото: Принтскрин