Теодосиќ заминува во пензија и добива две големи функции во Црвена Звезда

Милош Теодосиќ по завршувањето на оваа сезона би требало да замине во кошаркарска пензија, објави „Спортски журнал”.

Неговиот договор истекува ова лето, па еден од најдобрите плејмејкери во српската историја би можел да продолжи поинаков пат. Момчето кое ја започна кариерата во ФМП ќе добие функција на директор и потпретседател на клубот, пренесе овој медиум.

Теодосиќ има 38 години, а со професионална кошарка се занимава од 2004 година. За тоа време освои многу трофеи, вклучувајќи и Евролигата, играјќи за ФМП, Олимпијакос, ЦСКА, ЛА Клиперс, Виртус, Црвена звезда…

Да потсетиме, Звезда моментално игра полуфинална серија на АБА лигата со Будуќност, а за победникот ќе одлучува „мајсторка” во Подгорица.

Фотографија: Принтскрин