Трансферот на Милош Керкез од Борнмут во Ливерпул беше потврден од таткото и агентот на унгарскиот лев бек Себастијан Керкез. Во разговор за YouTube каналот Super Indirektno, откри дека договорот е практично завршен.
Се очекува 21-годишниот Унгарец да помине лекарски прегледи следната недела и да биде третото ново засилување на шампионите по Џереми Фримпонг и Флоријан Виртц, кој во петок треба официјално да стане играч на мераклиите од Мерсисајд.
Сè што треба да знаете за НОВИОТ формат на Светското клупско првенство! ↓↓↓
„За нас Ливерпул беше единствениот клуб. Не преговаравме со други клубови. Сè меѓу нас е договорено. Неопходно е да се доразјаснат некои детали, но во принцип, работата е завршена“, изјави Себастијан Керкез, кој додаде дека спортскиот директор на мераклиите од Мерсисајд Ричард Хјуз имал одлучувачка улога во трансферот. „Ричард Хјуз нè доведе во Борнмут. Ако ни кажеше да одиме во Индија, ќе одевме и таму. Сè е договорено, остануваат само некои мали работи“.
Се очекува Ливерпул да плати околу 45 милиони фунти за Керкез.
Учество во игри на среќа е дозволено за лица со 18+ години. Играј одговорно!