
Враќањето на Богдан Богдановиќ го обележа гостувањето на Лос Анџелес Клиперс во Минесота, иако неговиот тим не успеа да избегне тесен пораз – домашните Тимбервулвс славеа со 109:106 по драматичната завршница.
Српскиот репрезентативец се најде на теренот првпат по осум пропуштени натпревари поради повреда на колкот и остави многу солиден впечаток, особено во клучните моменти на натпреварот.
Како екраните влијаат на детскиот развој? Разговор со дефектолог
Богдановиќ за 23 минути игра запиша девет поени, две асистенции и еден скок. Шутот му беше многу добар од игра (4/7), а особено се истакна неговото полагање во завршницата со кое израмни на 104:104 на полминут до крајот.
Меѓутоа, Клиперс не успеаја да го искористат тој момент – Најџел Рид постигна тројка за водство на Минесота, а потоа МекДениелс ја потврди победата со прецизни слободни фрлања. Џејмс Харден имаше шанса да изборат продолжение, но го промаши обидот во последните секунди.