Спектакл со шест гола но без победник (видео)

Барселона и Интер вечерва го одиграа еден од најдобрите натпревари во Лигата на шампионите сезонава ремизирајќи 3-3.

Уште по 30 секунди игра Маркус Турам постигна гол со пета за водство на Интер од 1-0 и најави спектакл. 20 минути подоцна веќе беше 2-0 за Интер со прекрасниот гол на Дамфрис.

Само три минути подоцна на сцена стапи Ламин Јамал кој по еден соло продор одлично шутираше и го матираше Зомер. До полувремето Феран Торес израмни на 2:2.

До новиот гол се чекаше до 64 минута која Дамфрис одново стрелаше, меѓутоа одговорот од Шпанците експресно стигна и Рафиња со помош на Зомер донесе 3-3.