Арне Слот, тренерот на Ливерпул, ја анализираше убедливата победа на неговиот тим со 3:0 против Олимпик Марсеј на гостински терен, во рамките на седмото коло од Лигата на шампионите.
Тренерот на тимот го истакна значењето на успехот за неговата екипа.
До кога ќе дишеме отровен воздух!? | Уште еден поткаст
– Ова можеше да биде комплицирано гостување поради нивните навивачи, како и поради играчите и тренерот. Требаше да бидеме на високо ниво и тоа го постигнавме. Во контранападите можевме да бидеме поуспешни. Одигравме позитивно, бидејќи постигнавме три гола и тоа секако придонесе за општа позитивна атмосфера, многу повеќе отколку кога од пет шанси погодуваме по една – изјави Слот.
Минатата година, реализацијата беше проблем за англискиот клуб, но Слот верува дека и во тие натпревари Ливерпул беше доминантен тим на теренот во поголемиот дел од времето.
– Од последните 13 натпревари останавме непоразени и бевме во резултатски заостаток само 54 минути. Имавме шанси да осигуриме победа уште порано. Веројатно, ова ни беше заслужено. Не бевме толку несреќни како што беше случај многупати оваа сезона – додаде Слот.
Учество во игри на среќа е дозволено за лица со 18+ години. Играј одговорно!