Скапо ќе ја плати глупоста: Голманот кој нокаутираше фудбалер во Шпанија доби максимална казна!

Дисциплинската комисија на Фудбалската федерација на Шпанија (RFEF) објави дека голманот на Реал Сарагоса, Естебан Андрада, е суспендиран на дури 13 натпревари.

Оваа сериозна казна му беше наложена поради нападот врз капитенот на Хуеска, Хорхе Пулидо, за време на арогонското дерби од Втората лига на Шпанија изминатиот викенд.

Аргентинскиот чувар на голот, кој веќе имаше добиено жолт картон, се приближи кон главниот судија Дамасо Арчедијано Монесcило и протестираше на одлуката. Андрада бараше од судијата да провери дали доделениот црвен картон за неговиот соиграч во последните минути од натпреварот бил оправдан со помош на ВАР технологијата.

Капитенот на Хуеска, Хорхе Пулидо, му забележа за протестот, на што Андрада одговори со туркање. За овој потег, судијата му покажа втор жолт картон, односно црвен.

По исклучувањето, аргентинскиот голман ги изгуби нервите и го удри играчот на Блауграна со тупаница во лицето. Според официјалниот записник, ударот му предизвика “хематом на левата јагодична коска” на Пулидо.

Puñetazo de Esteban Andrada a Jorge Pulido tras ser expulsado en el Huesca – Real Zaragoza pic.twitter.com/vjNQcCfb0q

— Lorenzo Gelardo (@LorenzoGelardo_) April 26, 2026

На редовниот неделен состанок оваа среда, Дисциплинската комисија на Фудбалскиот сојуз на Шпанија ја донесе конечната одлука за санкциите.

Според Дисциплинскиот правилник на RFEF, Андрада доби максимални 13 натпревари суспензија поради физичката агресија врз противничкиот играч, а му беше додадена и уште една натпревар суспензија како последица од добивањето на вториот жолт картон на истиот натпревар.

Покрај официјалната казна од сојузот, клубот веднаш презема мерки, суспендирајќи го Андрада од сите работни обврски и комплетно му ја укина платата, што значи дека неговата кариера во Сарагоса е практично завршена.

🚨OFFICIEL : 13 MATCHS DE SUSPENSION POUR ESTEBAN ANDRADA !

🟨🟨 1 match pour son double jaune
🔨 12 matchs pour l’agression

Trop sévère ou totalement mérité selon vous ? 🤔 https://t.co/Li5dhGE8ul pic.twitter.com/q5DSXyhUDI

— Foot Mercato (@footmercato) April 29, 2026