Сити обезбеди полуфинале на ФА Купот со пресврт против Борнмут

Фудбалерите на Манчестер Сити успеаја да победат со резултат 2-1, совладувајќи го Борнмут на гости и со тоа си обезбедија место во полуфиналето на ФА Купот.

Отворањето на натпреварот за „граѓаните“ не беше најдобро. Ерлинг Халанд во 14-та минута не успеа да реализира пенал, што подоцна Борнмут го искористи како предност.

Само седум минути подоцна, Еванилсон го донесе Борнмут во водство со 1-0, што беше резултатот со кој се замина на паузата.

На почетокот на второто полувреме, Халанд го израмни резултатот на 1-1. Пресвртот во корист на Сити го изведе Омар Мармуш во 63-та минута.