Се што сака е живот без болка: Мораше да се пензионира на 33 години, а фудбалот ќе ги памети неговите мајстории

Некогашната ѕвезда од Премиер лигата и виртуоз од Аргентина, Ерик Ламела, излезе со емотивна изјава од болничкиот кревет откако заврши со фудбалот на 33 години.

За жал, Ламела немаше среќа да остане на теренот подолго и беше принуден да се повлече.

Многубројните повреди станаа повод славниот Аргентинец да ја заврши кариерата; главната причина е проблем со колкот кој го мачи веќе од 2017. Тоа го објасни во трогателна изјава за јавноста.

“По успешните операции, добив уште четири години најмногу на теренот. Но, беше јасно дека состојбата ќе се влошува и дека доаѓа денот кога ќе треба да ставам крај. Со многу напор, поминување на часови со физиотерапевтите, работа во сала и безброј инјекции, успеав да играм повеќе од замислената граница”, вели Ламела и ја осветлува својата приказна.

Un poco dolorido pero con mi nueva cadera , esperemos que esta prótesis sea el comienzo de una vida sin dolor. 🤞
Un saludo para todos, gracias a los que escriben siempre ! 🙏 pic.twitter.com/iPtcA57WKe

— Erik Manuel Lamela (@ErikLamela) April 28, 2026

“Пет години земав лекови пред секој натпревар за да бидам во топ форма, почнувајќи од најмала до максимална доза, два дена пред натпреварите. Сега решив да запрам со тоа; целата оваа жртва завршува овде”, изјави Ламела.

Аргентинскиот напаѓач сподели фотографија и видеа од болничката соба. Покажа и како изгледа неговата нога во гипс, како и рентгенската снимка.

“Малку ме боли, но со новиот колк, очекувам оваа протеза да биде почеток на живот без болки”, вели Ламела, упатувајќи благодарност кон сите за поддршката.

Ламела зад себе остави 487 професионални натпревари, со кои ја освои Европската лига со Севиља во 2023 година.

Моментите за паметење се неговите “рабона” голови. Еден од нив го постигна за Тотенхем против Арсенал во дербито на северен Лондон, а друг во Европската лига.

Ламела играше за Тотенхем и Севиља, оставајќи најголем впечаток, но и за Рома, Ривер Плата и АЕК Атина, каде и се повлече минатото лето.